Evento: A velada de Londres

A velada de Londres é a nova produción de ButacaZero, un espectáculo que recupera unha das obras máis recoñecidas de Manuel Lourenzo para ofrecer unha nova lectura contemporánea. Inspirada no primeiro capítulo de Drácula, de Bram Stoker, a peza mergúllanos na Inglaterra vitoriana para seguir a Jonathan Harker tras o seu regreso de Transilvania. A experiencia vivida xunto ao conde Drácula transforma a súa percepción da realidade e desencadea unha loita entre razón e instinto, realidade e desexo, amor e escuridade. A posta en escena combina interpretación, música en directo e unha coidada atmosfera visual para converter este clásico da dramaturxia galega nunha proposta de grande intensidade estética e emocional.

Ficha artística

Texto: Manuel Lourenzo

Dirección: Xavier Castiñeira

Música en directo: Esperanza Mara (violoncello e voz)
Banda Sonora: Iago Hermo
Deseño de Luz: Violeta Martínez
Espazo Escénico: Beatriz de Vega
Figurinista: Carlos Pinilla
Produción: Esther F. Carrodeguas

Elenco

O Doutor • Xurxo Cortázar
Harker • Teo Piñeiro
Mina • Sophia Rodal
Chelista e Cantante • Esperanza Mara

(Espectáculo recomendado para maiores de 12 anos)