Evento: Real Filharmonía de Galicia – Espírito indomable

A tempada da Real Filharmonía de Galicia continúa cun programa que explora a forza transformadora da música e a capacidade do individuo para abrir novos camiños sen renunciar ás súas raíces. Baixo a dirección de Baldur Brönnimann, a orquestra pon en diálogo dúas obras separadas por máis dun século pero unidas por unha mesma pulsión creativa: a procura dunha voz propia e dun horizonte de liberdade.
O concerto abre coa primeira obra do compositor en residencia desta tempada, Magnus Lindberg, unha das figuras máis relevantes da creación musical europea contemporánea. O seu Concerto para violín núm. 1, interpretado polo recoñecido violinista Roman Simovic, combina un extraordinario virtuosismo cunha escritura de gran riqueza tímbrica e expresiva. Na segunda parte, a Sinfonía núm. 7 de Antonín Dvorák desprega unha das páxinas máis intensas e emotivas do repertorio sinfónico do século XIX. Escrita en 1885, a obra percorre unha viaxe desde a escuridade inicial cara a unha afirmación final chea de esperanza e sentimento patriótico. O concerto contará ademais coa participación do estudantado da EAEM.
A cita será o xoves 5 de novembro ás 20:00 horas no Auditorio de Galicia. Ás 19:15 horas, na Sala Mozart, celebrarase un novo encontro do ciclo Conversando con…, nesta ocasión con Baldur Brönnimann. Entradas: 18 €.