Evento: Concerto

Con antecedentes en bandas como Los Hijos Bastardos de Peter Lorre ou The Allnight Workers, os irmáns Martín e Jorge Lorre comezan un novo proxecto a principios de 2014, coa idea de facer dos seus concertos auténticas celebracións do Rock'n'Roll, onde o punk, o surf instrumental, psycho, garage ou mesmo o frat teñen unha cita ineludible coa diversión e o sentido do humor. Para iso recrutan para a causa ao Sr. Doble M á guitarra, finalmente, a formación complétase no 2017 coa entrada de Koko (Toxic Patrol, Breakin' Bones, Pegas Negras) ao contrabaixo. Nos seus directos poderás atopar versións de grandes bandas, como The Fireballs, Link Wray, Floyd Dakyl Combo, Johnny Guitar Watson, Ramones, Flamin' Grovies ou Screaming Lord Sutch, un dos seus grandes referentes.