Evento: Espellos sonoros

Baldur Brönnimann, directorJuan Pérez Floristán, piano 

• Cometa: Encarga a José María Sanchez Verdú. Estrea absoluta
• Béla Bartók: Concerto para piano núm. 2, BB 101
• Henri Dutilleux: Sinfonía núm. 2 “Le Double”

CONVERSANDO CON… Baldur Brönnimann e Juan Pérez FloristánSala Mozart, 19:45 h
Coa participación do alumnado da EAEM
Despois da obra de Sánchez Verdú completan o programa Bartók e Dutilleux, que abraiaron pola riqueza tímbrica das súas creacións, ligadas ao folclore maxiar no primeiro e á poética no segundo. O Concerto para piano núm. 2, un dos máis esixentes do século XX, zumega claridade expresiva e transparencia orquestral. Os seus tres movementos desenvolven un palíndromo, tan do gusto bartókiano. Pertencente a unha familia de artistas, Dutilleux recatalogou a súa obra rexeitando o que compuxera antes da ocupación. O seu talento abriu novas vías á música clásica que tamén transmitiu ao seu alumnado.A súa Sinfonía núm. 2 destaca pola orixinal disposición escénica: un grupo sinfónico principal dialoga cun conxunto de cámara independente. Concibida con refinamento orquestral, ofrece unha paleta tímbrica innovadora, con ritmos que flúen coma unha forma líquida.