Evento: A linguaxe do cómic, existe?

Celebramos o Día do Cómic coa charla-obradoiro “A linguaxe do cómic, existe?” a cargo do historietista e ilustrador Tomás Guerrero que falará do seu estilo e traxectoria, da linguaxe do cómic e dos elementos que considera necesarios nunha composición. Ademais, realizará análises de páxinas e proporá un exercicio de banda deseñada.

Tomás Guerrero é historietista, ilustrador e character animator. Realizou animación e ilustración para películas, series, documentais, videoxogos e investigación universitaria, como director de arte e ilustrador. Ten oito novelas gráficas publicadas en España e Portugal, poñencias e exposicións da súa obra en Universidades, Museos e Bibliotecas. Actualmente compaxina traballos de animación, ilustración e cómics coa docencia na UNED de Pontevedra e a Escuela de Arte ECO en Santiago de Compostela.

No salón de actos. Para 25 participantes de 12 a 99 anos. As persoas interesadas deben recoller o convite no mostrador de Información dende 30 minutos antes do comezo da actividade.