Evento: Curtas Agnès Varda

Tres curtas da directora francesa Agnès Varda:

- 7 P., cuis. S. de b... (à saisir) (1984). Despois de ver unha exposición chamada Le Vivant et l’artificiel, ideada en 1984 polo biólogo e artista Louis Bec e coa participación de diversos artistas, no antigo hospicio Saint-Louis de Aviñón, Agnès Varda quixo realizar un filme nese espazo intervido artisticamente. A cineasta define 7 p., cuis., s. de b… (à saisir), un título que alude ironicamente a un anuncio inmobiliario, como un ensaio, considerando que é unha obra especialmente libre: foi configurándose a partir das sensacións, as impresións, as ideas que lle suxería o lugar.

- Elsa la rose (1965). Documental sobre a orixinal parella formada por Louis Aragon e Elsa Triolet. Aragon, ante fotografías do pasado, lembra a xuventude de Elsa, puntuada polos propios comentarios dela. O actor Michel Piccoli recita os poemas de Aragon.

- Ydessa, les ours et etc. (2004). Unha visita filmada á colección de fotografías da artista Ydessa Hendeles, exposta en Múnic, reserva moitas sorpresas, recuperacións e descubrimentos.