Evento: Proxección da película “Encallados” de Alfonso Zarauza

Encallados é un telefilme galego de comedia dirixido por Alfonso Zarauza que se estreou no ano 2013. Foi rodado en branco e negro con formato de 16 mm. Está protagonizado por Xúlio Abonjo, Federico Pérez, Ricardo de Barreiro e Farruco Castromón quen tamén foi produtor executivo. O filme tamén conta coas aparicións especiais de Luís Tosar, Marcos Pereiro e Patricia Vázquez. Nos Premios Mestre Mateo 2013 foi galardoado con tres premios nas categorías de mellor filme para televisión, mellor montaxe e mellor fotografía. Tamén estivo nomeado nas categorías de mellor director para Zarauza e mellor actor para Abonjo.

No salón de actos. A entrada é libre ata completar a capacidade da sala.