Evento: La risa y la navaja [versión íntegra]

Sergio viaxa a unha metrópole da África Occidental para traballar como enxeñeiro ambiental nunha ONG nun proxecto de construción de estradas entre o deserto e a selva. Alí vese envolto nunha relación íntima mais desequilibrada con dous habitantes da cidade, Diara e Gui. A medida que se desentrañan as dinámicas neocoloniais entre a comunidade de expatriados, este fráxil vencello convértese no seu único refuxio fronte a un inminente colapso na soidade ou a barbarie.

Versión íntegra do realizador Pedro Pinho, de cinco horas e media de duración, que desenvolve dun xeito moito máis pormenorizado as diferentes subtramas do filme e gaña complexidade nos puntos de vista presentados.