Evento: Obradoiro “Crea o teu propio cómic!”

Este obradoiro creativo está dirixido a nenas e nenos que teñen interese pola arte da banda deseñada e o debuxo de historietas. As pequenas e pequenos participantes aprenderán a crear dende cero: deseñarán, debuxarán e rotularán unha historieta utilizando diferentes técnicas sinxelas.

Na sala infantil.

Para 12 nenas e nenos de 7 a 12 anos.

As persoas interesadas poden recoller a invitación no mostrador de información da biblioteca dende 30 minutos antes do comezo da actividade.

Esta actividade forma parte do Plan Corresponsables, financiado polo Ministerio de Igualdad (Gobierno de España) e está dirixida a familias monoparentais, vítimas de violencia de xénero ou outras formas de violencia contra a muller, mulleres en situación de desemprego de longa duración, mulleres maiores de 45 anos ou calquera outra unidade familiar con necesidades en materia de coidados de nenas e nenos.