Evento: A colección de programas de man cinematográficos

A colección do Museo Etnolóxico divúlgase tamén en redes sociais, co epígrafe xenérico de “Descubrindo a colección do Museo Etnolóxico”. Nesta ocasión, en lugar dunha peza destacada, escolleron toda unha colección.

Ao través dun vídeo que se publica nas redes sociais, o Museo presenta unha achega ao consumo de cinema na comarca do Ribeiro, ao través dunha colección de programas de man que forman parte do legado Meruéndano depositado no Museo.

Os programas de man representaron a ferramenta de publicidade da que dispuñan as salas de proxección, moi lonxe das formas de consumo audiovisuais actuais. Son pezas que nos achegan á historia e á cultura dunha época, e que nos permiten un maior coñecemento da sociedade e do lecer.

Esta é a ligazón do vídeo sobre a colección de programas de man