Un recoñecemento ás creadoras e divulgadoras da música tradicional galega. Lévame a idea é un recoñecemento profundo e necesario ás mulleres, auténticas protagonistas na creación, recuperación e divulgación da música de tradición oral e a poesía popular galega.
A través do recordo de La Maradona —a líder dunha banda de delincuencia xuvenil viguesa dos anos 80—, Nuria Vil constrúe un universo poético no que mestura o imaxinario do cine quinqui coa historia obreira da cidade de Vigo para achegar ao presente algunhas referentes da literatura galega contemporánea e unha vindicación potente do colectivo LGBTIAQ+. Esta peza, dirixida por Alba Domínguez, xunta as imaxes en súper 8 do arquivo de Manoel da Costa que retratan o Vigo dos 80 coa ficción filmada nos arredores de Vigo, Nigrán e no histórico autobús Cometa de 1968 cedido por Vitrasa.
O pasado decembro, Fanzine Fest celebrou a todo tren o seu décimo aniversario. O aftermovie desta edición é unha peza documental que recolle os mellores momentos do festival e os testemuños dos seus protagonistas e mais fai unha retrospectiva do que foi esta primeira década do festival.
España, 2024
Sinopse: Inspirándose nas vistas do monte Fuji de Hokusai e nos cadros de Cézanne da montaña Sainte-Victoire, Pico Sacrotrata de revelar a maxia e o misterio que subxacen baixo a realidade.
Diario de viaxe polo mar de Aral, antigamente un dos lagos máis grandes do mundo, hoxe reducido ao 10% da súa superficie. Pagán intercala imaxes propias tiradas da convivencia alá cun grupo de cazadores da estepa –en dúas etapas, nos veráns de 2018 e 2023– con refilmacións das pezas Memoria (Nerea Barros, 2021) e Man of Aral (Helena Gouveia Monteiro, 2024) en superficies acuosas, puntuadas por extractos en off do seu libro Jalundes e pinturas do museo de arte Igor Savitsky.
Proxéctase xunto ás dúas curtas referenciadas. Presentación e coloquio co autor.
Documental que trata sobre a figura de Correa Corredoira, un pintor notable, nacido na Coruña e que desenvolve o seu traballo desde os anos 80. Creador do grupo Orzán e membro destacado do grupo Atlántica, ten un universo propio que expresa a través da pintura, a escultura e o gravado. No documental acudimos ao seu estudio, preguntámoslle sobre todos os temas do seu interese e observamos o seu proceso creativo, en que nos mostra a súa personalidade. Tamén destaca a súa obra poética.
Premios das modalidades Xeral e Centros de ensino do certame de curtas da Asociación Socio-Pedagóxica Galega (AS-PG). Proxección das curtametraxes finalistas e gañadoras de 2024. (pendentes de seren anunciadas)
A raíz da negociación do convenio da Bazán Ferrol, miles de traballadores do estaleiro saen en manifestación o 10 de marzo de 1972 á mañá polo centro da cidade. En plena ditadura, a Policía Armada tenta interceptar a marcha, e ante a resistencia dos obreiros dispara sobre a manifestación, co resultado de ducias de feridos de bala e dous traballadores mortos: Daniel Niebla e Amador Rey.
Acoso escolar, ataques de ansiedade, interminables horas de estudo, marxinación, soños aprazados… Catro mozos cóntannos os obstáculos que tiveron que sortear para saír adiante coa dislexia.
Nun sistema de aprendizaxe baseado na lectura e na escritura, os seus esforzos esnafran contra un muro de incomprensión, porque a sociedade non entende como funciona o seu cerebro.
Neurólogos, psiquiatras, psicólogos, logopedistas, pais e nais, achegarán datos, anécdotas e explicarannos como viviron as consecuencias emocionais que provoca a dislexia.
Precisamos intelixencia artificial para conseguir sistemas de xustiza independentes? Conseguiriamos eliminar a influencia do poder político e económico que distorsiona os nosos sistemas xudiciais? Conseguiriamos reducir os rumbos ideolóxicos e emocionais da xustiza humana? Artificial Justice é un documental especulativo que explora as cuestións máis inquietantes dunha eventual introdución de IA en institucións críticas das nosas democracias. Este documental é a base de investigación da película Justicia Artificial.
_ _ _
