Ler conta moito

A Titiricleta do Titiricleteiro (o Carballo con Botas) chega á biblioteca, pilotada por un grupo de monicreques solidarios chegados de Bangladesh, A India, Guatemala... Levará as nenas e os nenos de viaxe a mundos fantásticos, na procura da paz. 

Con este espectáculo, dirixido a nenas e nenos de 5 a 11 anos, a biblioteca únese ás celebracións do Día do Libro.

Esta actividade forma parte da campaña de dinamización da lectura Ler conta moito, que leva a cabo a Rede de Bibliotecas de Galicia.

Espéctaculo de animación á lectura con contacontos, títeres e maxia; interectivo, dinámico e moi divertido. Ademais de contos, trabalinguas, cancións, concursos, etc... para celebrar o Día do Libro Infantil e Xuvenil.

Está dirixido a nenas e nenos de 4 a 11 anos e ten unha duración aproximada de 45 minutos.

Lugar: Salón de actos. Entrada libre ata completar a capacidade da sala.

Esta actividade forma parte do programa Ler conta moito de dinamización lectora, da Rede de Bibliotecas de Galicia.

Un orixinal espectáculo onde as mans non paran de falar. Teatro e narración oral da man de Pablísimo, onde as historias se contan con palabras e as personaxes aparecen nas mans.

Actividade da programación de Ler conta moito da Rede de Bibliotecas de Galicia.

A lanterna máxica é un obradoiro onde se mestura o mellor da literatura, do teatro e do cine.

A partir do xogo e a diversión os participantes dos obradoiros convertiranse nos verdadeiros protagonistas dunha actividade breve pero intensa na que, como resultado final, poderán ter a posibilidade de "vivir" un texto.

Esta actividade forma parte da programación de Ler conta moito

Charla sobre o proceso de ilustración dun libro. Tomamos como referencia o traballo do autor. Revisión do traballo de debuxantes con estilos e puntos de vista diverxentes, coa intención de mostrar o amplo abano de posibilidades que ofrece o mundo do debuxo. 

Actividade dentro do programa Ler conta moito, da Rede de Bibliotecas de Galicia.

Actividade sobre lectoescritura, para traballar a comprensión das letras e a formación de palabras.

Nenas e nenos seguirán o ritmo camiñando, correndo, saltando e repetindo coa voz até debuxar no aire os trazos que escoitaremos na canción.

Para nenos e nenas de 0 a 3 anos.

Actividade de Ler conta moito, da Rede de Bibliotecas de Galicia.

Na casa de Violeta ultimamente hai bastantes problemas. Tantos que Violeta, seu pai e súa nai teñen que deixar a súa casa e ir á da avoa. Pero o peor aínda estaba por chegar. Unha noite Violeta, metida na cama con súa avoa, comeza a soñar en branco e negro. Os seus soños quedaron sen cores! Menos mal que alí estaba a avoa e un vello libro cheo de cores e de contos para soñar, rir e volver a crer que os problemas teñen solucións e os nosos soños poden ter todas as cores que queiramos.

Actividade de Ler conta moito, da Rede de Bibliotecas de Galicia.

Sesión de contacontos para nenos e nenos, co obxecto de que, despois de contarlles a historia, que lle dean vida no papel.

Actividade de Ler conta moito, da Rede de Bibliotecas de Galicia.

A Tripulanta Rías (Tero Rodríguez) e o Tripulante Norai (Lucho Penabade) son dous investigadores mariños que teñen distintas hipóteses para dar explicación á orixe do sal na auga do mar. El cre as teorías científicas pero ela fai máis caso dunha lenda cuxos protagonistas viviron hai moito tempo nas proximidades do lugar onde se celebra o espectáculo.

Tras representar a lenda, os dous tripulantes organizan unha grande expedición aos fondos mariños levando consigo a todo o público e facéndoos partícipes de importantes descubrimentos…

A narradora fai as delicias do público infantil con esta sesión de contos, para nenos e nenas a partir de 3 anos.

Actividade do programa Ler conta moito, da Rede de Bibliotecas de Galicia.