Neste obradoiro aprenderánse as técnicas básicas da improvisación teatral, como a aceptación das propostas da compañeira ou do compañeiro e a cooperación grupal para a creación de novas historias.
Neste obradoiro as rapazas e rapaces reproducirán mediante teatro de sombras, obxectos e monicreques a historia da lingua galega, despois de fabricar os personaxes e elaborar o guión utilizando diferentes materiais dispoñibles en calquera biblioteca (dende enciclopedias ata bandas deseñadas).
Pavís Pavós propón unha sesión de contos, arrolos, cantos e ladaíñas para bebés, que ao mesmo tempo supoñan unha ferramente para os papás e as mamás. O obxectivo é tamén recuperar e transmitir a nosa rica tradición oral.
Actividade para Ler conta moito, da Rede de Bibliotecas de Galicia.
A actividade centrarase na artista galega Maruja Mallo a través de lectura de textos e dunha explicación didáctica apoiada en audiovisuais. Concluirá cun traballo en grupo para poñer en común o aprendido, así como coa realización dunha obra de arte conxunta.
Sesión didáctica para Ler conta moito, da Rede de Bibliotecas de Galicia.
Espectáculo de narración oral para nenas e nenos de tres anos en adiante.
Sinopse: Os contos transladannos a un estado especial de imaxinación, de ilusión e de escoita.
Espectáculo dentro da programación de Ler conta moito, da Rede de Bibliotecas de Galicia.
Un obradoiro para experimentar como é o proceso de creación dun libro ilustrado a partir do achegamento a diversos tipos de libros, e da experiencia coma ilustradora de Minia Regos Sanz, Gargallando. Os nenos e nenas realizarán o seu propio libro ilustrado, experimentando con diversas técnicas grafo-plásticas desde un enfoque lúdico.
Para nenos e nenas a partir de 6 anos.
Duración: 120 minutos
Obradoiro creativo para o programa de dinamización lectora Ler conta moito.
"Iso é un lucecús?" "Non, é unha lanterna". "E aquilo, é un caracol?""Non, é un metro". Neste obradoiro creativo os obxectos máis cotiáns do fogar poden converterse, grazas ao poder da imaxinación, en personaxes fantásticos que vivirán fabulosas aventuras nunha fotonovela que o mesmo neno ou nena creará. Porque as cousas máis pequenas que hai ao noso redor tamén contan historias.
Nenos e nenas: de 6 a 12 anos
Duración: 90 minutos
Obradoiro de Xulio Varela para o programa de dinamización lectora Ler conta moito.
Obradoiro impartido por Regueifeiros de Galicia dirixido a todas aquelas persoas con inclinación á práctica do verso clásico rimado, da controversia dramatizada ao estilo clásico e con curiosidade por coñecer as tradicións populares do país (e tamén fóra del). Os improvisadores da asociación veñen realizando estes obradoiros en infinidade de colexios e institutos.
Dirixido a nenos e nenas de 9 a 14 anos, mocidade e adultos.
Obradoiro para Ler conta moito, da Rede de Bibliotecas de Galicia.
Brinca vaiI! de aquí a acolá é unha actividade para ler, ver e escoitar. Un feixe de cancións para toda a familia da man de Paco Nogueiras que axudará a nenos e nenas a descubrir as diversas apariencias que ten a lectura.
Espectáculo musical para Ler conta moito, da Rede de Bibliotecas de Galicia.
Manoele de Felisa, cantautor galego con diferentes traballos publicados, ofrece unha actividade para lles achegar aos cativos e ás cativas o mundo da poesía a través das súas interpretacións musicais, así como algunha sorpresa lúdica para manter a atención e facela máis atractiva para o público infantil.
Actividade de Ler conta moito, da Rede de Bibliotecas Públicas de Galicia.
