Xogo con formato de xincana e xogo dramatizado, dinamizado por educadores caracterizados para a ocasión. Estes personaxes dirixirán o desenvolvemento da actividade e proporán aos participantes os distintos retos, enigmas e probas a superar na xincana.
Divertida xincana polo museo para descubrir unha serie de enigmas. A proba farase con algún dos sentidos anulados (cos ollos ou oídos tapados, sen poder empregar as mans ou as pernas...) como un xeito de sensibilizarse coas persoas con diversidade funcional.
A actividade remata cun interesante obradoiro na que se fai unha obra especial. Ademais, coñecerase a linguaxe de signos e o Braille.
A Biblioteca de Galicia dedica o mes de setembro á figura de Rosalía de Castro. A través dunha posta en escena teatral e con formato de xincana, os actores e actrices propóñenlles aos participantes unha serie de retos que van ter que superar de maneira cooperativa.
Unha serie de personaxes debidamente caracterizados da época da autora propóñenlles aos participantes pequenos retos para resolver un grande enigma. As probas están relacionadas coa vida e figura da homenaxeada.
A entrada é de balde, previa inscrición.
Chegan ao campamento de verán uns cazatalentos que van descubrir as calidades innatas dos mozos e mozas que pasan alí as súas vacacións estivais. Para iso realizarán unha serie de probas que, ademais de divertir, sacarán á luz o artista que todos os galegos temos oculto no noso interior.
Manuel Antonio será o protagonista deste mes na Biblioteca e Arquivo de Galicia e dunha xincana chea de retos, enignas e probas colectivas.
A través da obra máis senlleira de Manuel Antonio, De catro a catro, os participantes no xogo dramatizado Aventuras no mar de máis alá realizarán unha imaxinaria ruta en barco con múltiples paradas nas que achegarse ao autor, a súa obra e contexto histórico dun xeito divertido.
Actividade que complementa e ilustra, en concellos pertencentes á Rede de Dinamización Lingüística, a exposición itineranate con que a Xunta de Galicia divulga a vida e a obra do autor a quen a Real Academia Galega lle dedicou o Día das Letras este ano 2015. Inclúe diversos xogos e probas, ademais dun peche poético consistente nunha escenografía sonora sobre palabras de Filgueira Valverde para que estean “na voz da xente”.
