Concerto

Andrés Mesías Gutiérrez, máis coñecido no mundo da música como Purin Work Flako ou simplemente Purin Work, é un artista coruñés de música urbana que está a soar en todas as casas dos barrios da cidade da Coruña.

Paula Chaves, máis coñecida como Pauliña no panorama musical é unhas das voces femininas con máis carácter e personalidade de hoxe en día. A súa imaxe provocadora, a súa forma de ser: directa, sinxela, achegada…, non deixa indiferente a ninguén.
Pauliña comezou na súa terra natal, Cambados. Encantáballe compoñer, escribir o que sentía e aínda así cos poucos acordes que sabía amarrou a guitarra ao lombo e lanzouse a percorrer locais da sua bisbarra para expresar ca música o que acontecía na súa vida, provocando ao público sentirse identificado con moitas das suas letras.

MojoThunder é un cuarteto de rock n? roll de Kentucky que mestura a high-energy coas harmonías sureñas para crear un son híbrido que eles chaman ?southern alternative?, que igual se decanta polo clasicismo sureño como pola electricidade moderna, o feeling do blues, a americana cósmica ou os himnos de estadio.

UPRISING regresan nunha nova xira con show renovado, poñendo en escena os mellores hits históricos da considerada por moitos a mellor banda de rock do mundo na actualidade.Novos temas, novos recursos electrónicos e nova imaxe nun concerto tributo que non deixará indiferente a ninguén.

Volve o Festival Mulleres na Escea creado para visibilizar o traballo das mulleres artistas na escea musical da Galiza. Nesta edición contamos cos concertos de Pauliña e Sophie Simonds.

O evento terá lugar na sala Mardi Grass de A Coruña o vindeiro 24 de marzo.

Pablo Arce é un rapero galego nado en Santiago de Compostela en 1990. Empezou co rap no 2002: escribía letras na súa casa e gravábaas cun mp3, despois baixábaas ao Parque de Ramírez e á xente gustáballe porque era un rolo diferente, rueiro, coas drogas, o diñeiro e as mozas como temática. Precisamente polo contido salvaxe das súas letras colgóuselle o cartel de polémico.

Noite dedicada a The Beatles, en directo con Octopus´s Garden, un exhaustivo repaso a practicamente todo o seu repertorio. Concerto a partir de 22:30h. 
 

Barbarian Prophecies é unha banda de metal extremo afincada en Lugo (Galicia) e fundada no ano 2000. Ata a data o grupo conta con 9 traballos de estudo; 5 Lps, 2 Eps e 2 demos. Sendo o último destes o álbum Horizon que foi gravado, mesturado e masterizado en Kollapse Studio por Iván Ferro durante o inverno de 2020/2021. A banda tocou en numerosas ocasións dentro e fóra do territorio estatal en eventos Underground ou en grandes festivais como o Resurrection Fest.

Sound Sisters é unha banda emerxente, formada por músicos e músicos de Sarria e que chegou a este mundo para mediados do ano 2020. Unha banda 'pandemia' con moito talento e un futuro prometedor como se van desenvolvendo os acontecementos.

Inmantes definen así a súa música Somos tres e tocamos amodo. Segue o camiño da graxa.

Vircator é unha banda portuguesa de post rock.