Aínda que Soge Culebra é novo, ten ritmo, ten flow, ten estilo, transmite boa onda e só fai falta escoitar un par de cancións súas para darse conta de que naceu para a música. A súa voz mestura tinguiduras de rap e reggae.
O prestixioso pianista Josep Colom, xunto coa magnífica clarinetista Ona Cardona, comparten un programa de contrastes: Johannes Brahms culminou a súa traxectoria coas sonatas Op. 120, dúas obras mestras inspiradas polo clarinetista Richard Mühlfied que respiran romanticismo sereno e que contrastan co tormento das Fantasías do seu estimado Robert Schumann, compositor e marido de Clara Schumann, creadora destacada da que se sentirá o lirismo da transcrición das Romanzas orixinais para violín.
Programa:
- Marcos Fernández- Barrero: Nocturno sinfónico (Obra gañadora AEOS)
- Colin Matthews: Concerto para violín
- Jean Sibelius: Sinfonía nº 2 en re maior, op. 43
Solistas: Leila Josefowicz (violín)
A cidade de Vigo reúne neste festival un cartel que combina indie, rock e pop con música electrónica, nunha clara aposta por confeccionar un programa no que bailar e ir collendo forzas para as festas do Nadal.
Este rapeiro carismático e singular fíxose un nome entre os seus contrincantes xeneracionais.
A Orquestra Sinfónica Vigo 430 ofrece un concerto monográfico sobre Mozart, cunha selección do seu amplísimo catálogo máis que interesante: poderase escoitar a primeira e a última das súas sinfonías, ademais dunha obra mestra como a súa soada Sinfonía Concertante para Violín e Viola, que estará a cargo de dous novas solistas de excepción: María Florea e Sara Ferrández. Todo baixo a dirección dunha batuta tan talentosa como a do director catalán Tomàs Grau.
O Trío Arriaga é o lugar de encontro de tres músicos de recoñecido prestixio e alí onde converxen as súas traxectorias solistas. Con concertos nos mellores festivais europeos e acompañados da gran maioría das orquestras españolas e por algunhas das mellores europeas, os seus proxectos discográficos en solitario, con máis de 25 álbums, algúns para selos tan destacados como NAXOS ou Sony, e os múltiples galardóns conseguidos en concursos nacionais e internacionais de interpretación aválanos como un trío de referencia da súa xeración.
A profesora e concertista María del Mar Blanco Moreno entra na cámara semianecoica de Telecomunicacións en dúas sesións, 15:30 e 16:30. En colaboración coa Orquestra Clásica de Vigo, será unha experiencia única escoitar a esta intérprete que, tanto no piano como no clave, como solista ou formando parte de grupos de cámara, é unha virtuosa que tamén destaca no ámbito da música contemporánea.
Volve a Orquestra Xove Vigo 430 e o fai co seu programa máis ambicioso ata o momento: un repertorio formado por nada menos que a 7ª Sinfonía de Beethoven, o Valse triste de Sibelius e un Concerto para clarinete de Weber que interpretará a clarinete solista da OSV430: Andrea González. Todo iso baixo a dirección de Roberto Baltar.
Yo La Tengo fundouse en Hoboken (New Jersey) en 1984 pola parella Ira Kaplan (cantante e guitarrista) e Georgia Hubley (cantante e batería) aos que se unirían Dave Schramnn (guitarrista orixinal, de novo na formación desde 2015) e James McNew (baixista desde 1992).
