PROXECTO ALLURE

OBXECTIVOS

ALLURE é un proxecto europeo KA204 (“acción clave”) centrado na ensinanza non formal de persoas adultas a través da utilización de recursos culturais. Os obxectivos que persegue son:

• Cultura inclusiva e accesible para as persoas, eliminando barreiras.
• Desenvolvemento de ferramentas que axuden os grupos sociais en risco de exclusión a participar en actividades culturais e patrimoniais.
• Capacitación de persoal docente especializado en educación para adultos para usar os recursos culturais e patrimoniais ao seu alcance.
• Establecemento de redes de colaboración e coñecemento entre distintos axentes educativos, culturais, asociacionismo etc.

GRUPOS DIANA

• Persoas adultas en actividades de formación.
• Grupos sociais en risco de exclusión. Entre outros, inclúe persoas con discapacidade, adultas, migrantes, en risco de pobreza etc.
• Asociacións, fundacións, organizacións e outras entidades que apoian e traballan con grupos sociais en risco de exclusión.
• Docentes e investigadores en educación formal e non formal para persoas adultas.
• Órganos de goberno e empresas con competencias en áreas culturais, patrimoniais e educativas.

PROGRAMA

• Aplicación de Información Cultural Accesible (CIMA polas súas siglas en inglés), de uso libre e gratuíto no sitio web de ALLURE.
• Informe de necesidades e boas prácticas en colaboración con centros culturais e educación de persoas adultas.
• Deseño e prototipado de produtos tecnolóxicos como resposta ás conclusións obtidas no informe anterior.
• Guía metodolóxica e orientacións para a efectiva colaboración entre centros culturais e patrimoniais e centros formativos para adultos.

Ademais, levarase a cabo unha actividade formativa orientada á adquisición de competencias profesionais.

SOCIOS

• Xunta de Galicia (España). Órgano de Goberno de Galicia con responsabilidades no impulso, coordinación e xestión de políticas culturais.
• Centro Téxtil de Blönduós (Islandia). Desenvolve vías de aprendizaxe flexibles para alumnado adulto en zonas rurais de Islandia.
• Asociación de Empresarios de Portugal (Portugal). Cámara de Comercio e Industria con actividades de apoio ao emprendemento.
• Universidade de Vigo (España). Institución académica pública que promove a investigación e a transferencia social do coñecemento.
• Talleres de Cultura de Lublin (Polonia). Institución municipal con plans comunitarios de desenvolvemento cultural a longo prazo.