Nova: López Campos salienta a importancia “dos símbolos culturais propios” na recepción á fallera maior

Santiago de Compostela, 24 de febreiro de 2026

O conselleiro de Cultura, Lingua e Xuventude, José López Campos, salientou hoxe a importancia dos vínculos culturais entre Galicia e Valencia “terras irmás, con identidades culturais e linguas propias moi arraigadas”. Fíxoo na recepción á fallera maior de Valencia, Carmen Prades, e a súa corte de honra na Cidade da Cultura, ás que agradeceu a súa visita e o seu labor como “representantes da súa terra e do seu legado histórico”.

Así, o representante de Cultura do Goberno galego gabou “a importancia cultural e artística” dunha celebración recoñecida como Patrimonio Cultural Inmaterial da Humanidade pola Unesco e a necesidade de “poñer en valor as tradicións e os símbolos propios”. Neste senso, convidou a “desfrutar desta época festiva, estreitando os lazos entre as nosas comunidades”.