Nova: Anxo M. Lorenzo salienta a reflexión sobre a imaxe contemporánea e os seus desafíos á que convida a mostra ‘Tempos modernos’
29/11/2025
Anxo M. Lorenzo salienta a reflexión sobre a imaxe contemporánea e os seus desafíos á que convida a mostra ‘Tempos modernos’
A exhibición realízase ao abeiro dunhas xornadas de debate e análise, aberta o público, na que participan fotógrafos, docentes e comisarios de arte
Santiago de Compostela, 29 de novembro de 2025
O director xeral de Cultura, Anxo M. Lorenzo, puxo en valor hoxe a “axeitada reflexión sobre a imaxe contemporánea e os seus desafíos” á que convida a mostra Tempos modernos, que inaugurou hoxe na Cidade da Cultura.
Esta exposición, que poderá verse durante toda a fin de semana na Sala Eisenman, forma parte dunhas xornadas ao redor da fotografía, organizada por Fotoforum Compostela co apoio da Xunta de Galicia. Esta iniciativa reúne durante dúas dous días fotógrafos, docentes e comisarios de arte para “debater, repensar e conversar sobre o que somos e o que vemos de nós mesmos e dos que nos rodean a través da cámara”, salientou o representante da Consellería de Cultura, Lingua e Xuventude.
Para afondar nestas cuestións o proxecto conta coa participación da comisaria de exposicións, crítica de arte e ensaísta Carmen Dalmau, das fotógrafas e fotógrafos Lucía Novais, Sofía Dagà, Vari Caramés e Fuco Reyes, así como tamén da traballadora da imaxe e docente Rosa Neutro e do catedrático de filosofía da Universidade de Santiago de Compostela Marcelino Agís. O acceso a todas as actividades é libre, de balde e non require inscrición previa.