Nova: Xunta e Deputación de Pontevedra amplían aos sábados as visitas ao interior do Teatro Cine Fraga
05/11/2025
Xunta e Deputación de Pontevedra amplían aos sábados as visitas ao interior do Teatro Cine Fraga
As dúas Administracións toman esta decisión tras alta demanda da tres quendas dos mércores, abertas o pasado 15 de outubro, nas que se están cubrindo as prazas
Levaranse tamén a cabo ás 12,30, 16,00 e 17,00 horas en grupos reducidos de ata 15 persoas a través de reserva telefónica no número 986 118 227
Respóndese ao grande interese da cidadanía de acceder a este emblemático espazo antes das obras para convertelo nun centro sociocultural referente e pioneiro
Vigo,5 de novembro de 2025
A Xunta de Galicia e a Deputación de Pontevedra amplían aos sábado as visitas ao interior do Teatro Cine Fraga de Vigo, tras a alta demanda que están a ricibir as tres quendas fixadas para os mércores e que se abriron hai menos dun mes, o pasado 15 de outubro.
Tras ese grande interese, ambas as dúas Administracións tomaron ea decisión de ampliar nun día máis a apertura ao público deste emblemático edificio antes de que dean comeza as obras coas que o Goberno galego e Deputación provincial pretenden converter este inmoble nun centro sociocultural pioneiro e referente na Comunidade galega e no noroeste peninsular.
Deste xeito, ábrese tamén a partir deste mesmo sábado, día 8, e ata o último de xuño a posibilidade de coñecer este icónico inmoble e nas mesmas franxas horarias que os mércores. Polo que están dispoñibles quendas das 12,30, 16,00 e 17,00 horas e continúa habilitado o mesmo número de telefono, o 986 118 227, para facer as reservas.
De igual forma que a dos mércores, as visitas dos sábados tamén se realizarán, para optimizar a experiencia, en grupos reducidos de 15 persoas. Os participantes estarán acompañados por un guía titulado, quen explicará a historia e detalles deste edificio de máis de 7.000 metros cadrados incluído no Patrimonio Cultural de Galicia e ideado hai máis de 80 anos por encargo de Isaac Fraga Penedo, un dos exhibidores cinematográficos máis importantes da Comunidade naquela época.
Cómpre lembra que, de xeito inicial, estas visitas estiveron reservadas para aquelas persoas que participaron en O mellor espazo busca o mellor contido, a campaña na que a través de encontros presenciais e unha caixa de correos virtual permitiu recompilar ideas, achegas e propostas da cidadanía para enriquecer o plan de usos. No entanto, a partir deste mes de novembro, o programa xa se abre para todo o conxunto da cidadanía, que agora poderá contar tamén co sábado para esta visita.