Nova: Arias asiste á inauguración da exposición ‘40 anos de autonomía de Galicia nas caricaturas de Siro’ en Lugo

Lugo, 4 de setembro de 2025

O delegado territorial da Xunta, Javier Arias, participou esta tarde na inauguración da exposición ‘40 anos de autonomía de Galicia nas caricaturas de Siro’ na sede de Afundación en Lugo.

A mostra, de cáracter itinerante, está promovida polo Parlamento de Galicia -onde se presentou por primeira vez en 2021- e conta coa colaboración de La Voz de Galicia e Afundación-Obra Social Abanca. A través dunha selección das ilustracións políticas realizadas polo artista desde 1981 ata 2006, ofrece un percorrido visual pola historia política máis recente da comunidade.

A exposición poderase visitar en Lugo ata o vindeiro 11 de outubro, en horario de luns a sábado de 17.30 a 20.30 horas.