Nova: A Xunta destina 500.000€ á mellora de 44 equipamentos culturais en toda Galicia

14/08/2025

A Xunta destina 500.000€ á mellora de 44 equipamentos culturais en toda Galicia

A Consellería de Cultura, Lingua e Xuventude resolve as axudas coas que colabora coa renovación de centros culturais, auditorios e bibliotecas, entre outros

As subvencións enmárcanse nos obxectivos do plan para modernizar as infraestruturas no que traballa o Goberno galego

Entre as accións que se sufragan inclúense os traballos de mellora de accesibilidade e a adquisición de equipamento como material escénico, iluminación ou son

Escoitar

Santiago de Compostela, 14 de agosto de 2025

A Consellería de Cultura, Lingua e Xuventude vén de resolver as axudas para a mellora de equipamentos culturais que, nesta convocatoria, contribúen á mellora de 44 infraestruturas de toda Galicia. Trátase dunha medida que conta cun orzamento de 500.000€ destinada a actuar en bibliotecas, arquivos e locais culturais municipais para modernizar estes espazos.

Deste xeito, tal e como se publica no Diario Oficial de Galicia, estes apoios incrementarán a calidade da oferta cultural de 20 centros bibliotecarios, 13 centros ou locais socio-culturais, cinco casas da cultura, un salón de actos, tres auditorios, un xeoparque, un teatro coliseo, un museo e un pazo. Do total dos proxectos, 22 están na provincia da Coruña, 11 na de Lugo, 6 na de Ourense e 5 na de Pontevedra.

Esta convocatoria axudará a sufragar os gastos de reformas, obras de ampliación ou traballos de mellora da accesibilidade. Ademais, tamén poderán destinarse a adquirir equipamento como material escénico, iluminación, son ou audiovisual, entre outros.

Estas axudas enmárcanse no compromiso da Xunta por mellorar e impulsar o equipamento das unidades culturais galegas e garantir o acceso á cultura a todos os galegos en liña co futuro plan de modernización das infraestruturas culturais públicas de Galicia, a folla de ruta na que traballa o Goberno galego. De igual xeito, encádrase na Lei de cultura inclusiva e accesible que entrou en vigor a principios deste mesmo ano, pioneira a nivel europeo e que inclúe medidas para facilitar o acceso universal á programación cultural.

ANEXO. entidades locais subvencionadas para o equipamento e mellora das instalacións e locais utilizados para a realización de actividades culturais

ENTIDADE	PROXECTO
Concello de Ourol	Mellora da accesibilidade no centro Social- cultural de Ourol
Concello de Monterroso	Mellora de tecnolóxicas e equipamentos na Biblioteca Pública Municipal
Concello de Muxía	Mellora nas instalacións da Biblioteca Pública Municipal
Concello de Valga	Medidas de seguridade e protección incendios, e equipamentos BPM
Concello de Arteixo	Instalación-substitución de estores para protección da documentación da BPM
Concello de Trazo	Supresión de barreiras arquitectónicas no local social de Viaño Pequeno
Concello de Ferrol	Mellora do acondicionamento acústico da planta baixa da Biblioteca Pública Municipal
Concello de Ames	Equipamento para o pazo da Peregrina de Bertamiráns
Concello de Brión	Mellora do centro social Polivalente para actividades culturais
Concello de Mañón	Equipamento para a Biblioteca Publica Municipal
Concello do Carballiño	Investimento en medidas seguridade do Auditorio
Concello de Ponte Caldelas	Equipamento para a Biblioteca Publica Municipal
Concello de Santiso	Mellora de enerxética de novo local cultural no antigo CEIP de Visantoña
Concello de Beade	Rehabilitación de centro para uso cultural no anexo do pavillón municipal
Concello de Bande	Equipamento xeral salón de actos cultura
Concello de Fene	Mellora equipamento Biblioteca Pública Municipal
Concello do Porriño	Proxecto de mellora de accesibilidade e eficiencia no centro Cívico
Concello das Somozas	Acondicionamento acústico do salón de actos do centro cívico sociocultural
Concello de Miño	Mellora das condicións de equipamentos e técnicas Centro Social A Rúa (BPM)
Concello de Maceda	Acondicionamento da Biblioteca Municipal
Concello de Trabada	Mellora da Accesibilidade e renovación do local social na parroquia de Sante
Concello de Cee	Adquisición de bucle magnético e divisores Auditorio da Casa da Cultura
Concello de Oza – Cesuras	Adquisición de equipamento para o Museo da Fonte
Concello de Cerdedo – Cotobade	Equipamento xeral do Auditorio e Biblioteca Municipal sitos na Casa da Cultura
Concello de Ortigueira	Mellora de equipamento da Biblioteca Pública Municipal
Concello de Cervo	Mellora de eficiencia enerxética funcionamento de local cultural na antiga escola Rúa
Concello de Trasmirás	Acondicionamento escola de Musica Casa da Cultura
Concello de Vila de Cruces	Medidas de prevención e protección contra incendios en local sociocultural
Concello de Carnota	Mellora das instalacións da Axencia de lectura municipal
Concello de Noia	Telón cortalumes e actuación prevención de incendios no teatro Coliseo Noela
Concello de Ribas do Sil	Mellora dos locais culturais do Xeoparque de
Concello de Corcubión	Mellora da eficiencia enerxética na Casa da Cultura
Concello de Burela	Adquisición de mobiliario para a Biblioteca Municipal
Concello de Antas de Ulla	Eficiencia enerxética para novas aulas de lectura na Antiga Casa do conserxe anexa a Casa da Cultura
Concello de Santa Comba	Equipamento para a Biblioteca Publica Municipal
Concello de Laracha	Mellora accesibilidade para a casa da Cultura
Concello de Chantada	Renovación do sistema de calefacción na Casa da Cultura (BPM)
Concello de Ordes	Equipamento da Biblioteca Pública Municipal
Concello de Xermade	Mellora da fachada posterior da Biblioteca Pública Municipal
Concello de Melide	Subministro e instalación d equipamento escénico no centro sociocultural Mingos de Pita
Concello de Outeiro de Rei	Mellora accesibilidade e eficiencia enerxética no centro cultural municipal
Concello de Zas	Equipamento cultural para Auditorio de Baio
Concello de Beariz	Equipamento informático na Biblioteca Pública Municipal de Beariz
Concello de Foz	Modernización e mellora da Biblioteca Pública Salgado Toimil

Dinamización da cultura