Nova: López Campos aborda vías de colaboración co alcalde de Celanova

Santiago de Compostela, 28 de xullo de 2025

O conselleiro de Cultura, Lingua e Xuventude, José López Campos, acompañado polo director xeral de Patrimonio Cultural, Ángel Miramontes, mantivo hoxe unha reunión co alcalde do concello ourensán de Celanova, Antonio Puga, para abordar vías de colaboración nas materias do seu departamento. 

Así, o representante da Xunta coñeceu de primeira man as necesidades de Celanova, que conta cun importante legado patrimonial, histórico e literario e conversou co rexedor sobre algunhas das propostas destinadas a impulsar a riqueza cultural do municipio. López Campos prosegue así coa súa ronda de encontros cos dirixentes dos concellos galegos, poñéndose á súa disposición para o impulso de iniciativas vinculadas ás áreas da súa competencia.