Nova: López Campos salienta a “profunda mirada sobre Galicia” do artista Kike Ortega

Pontevedra, 18 de xullo de 2025

O conselleiro de Cultura, Lingua e Xuventude, José López Campos, salientou hoxe a “profunda mirada sobre Galicia” de Kike Ortega. Fíxoo na visita á exposición O camiño das bateas, que remata hoxe en Pontevedra e que recrea paisaxes, arquitectura e símbolos do patrimonio galego empregando materiais reais extraídos do mar e da costa.

No seu percorrido, acompañado polo propio artista, o conselleiro puido comprobar como Ortega rexeita o lenzo tradicional e traballa con materiais de refugallo como bidóns metálicos oxidados, cortiza de eucalipto, lonas industriais ou pranchas de ferro para facer exposicións efémeras en espazos propios, onde recibe directamente ao público e lles conta a historia de cada obra e dos materiais empregados.