O Porriño (Pontevedra), 10 de xuño de 2024

A delegada territorial da Xunta en Vigo, Ana Ortiz, participou este luns na presentación a programación coa que o Concello do Porriño celebrará o centenario da súa Casa Consistorial e a convocatoria da primeira edición dos Premios Antonio Palacios. Durante o acto celebrado no edificio municipal, obra do insigne arquitecto, coa presenza do alcalde, Alejandro Lorenzo, e o deputado de Cultura, Jorge Cubela, anunciouse que o galardón recaerá no escritor, historiador e mestre Xosé Ramón Iglesias Veiga.

Lugo, 9 de xuño de 2024

O conselleiro de Cultura, Lingua e Xuventude, José López Campos, participou hoxe na catedral de Lugo na Ofrenda do Antigo Reino de Galicia ao Santísimo Sacramento, onde salientou a “máxima protección” coa que conta este acto institucional e relixioso tras a incoación como Ben de Interese Cultural do patrimonio inmaterial publicada o pasado venres no Diario Oficial de Galicia. 

A Coruña, 9 de xuño de 2024

A Filmoteca de Galicia dedica na súa programación de xuño un ciclo ao cinema de Leon Hirszman, programado en colaboración co festival Play-Doc de Tui, que acolleu o pasado mes de maio a primeira retrospectiva europea sobre o cineasta brasileiro. A continuidade dos programas dedicados a Yasujirō Ozu e a Daniel Domínguez, así como a proxección dos traballos finais de Cinema en Curso son outras das citas destacadas coas que se despedirá a temporada 2023-2024 na cinemateca da Xunta.

Cambados (Pontevedra), 8 de xuño 2024

O secretario xeral da Lingua, Valentín García, participou hoxe no municipio pontevedrés de Cambados no acto de recepción como membro de horna da Real Academia Galega de Takekazu Asaka, do que salientou a súa “contribución á proxección exterior da lingua e da cultura galegas”.

Santiago de Compostela, 8 de xuño de 2024

A Cidade da Cultura de Galicia acolleu este sábado preto dun milleiro de persoas que percorreron os espazos exteriores do Gaiás baixo unha poeira de cores para celebrar a primavera. A Holi Gaiás, popular carreira lúdica que cumpre a súa sexta edición, converteuse xa nun clásico das festas ao aire libre en Santiago de Compostela desta época do ano, coa súa mestura de deporte, natureza e música e onde o espírito lúdico se impón ao competitivo.

A Coruña, 8 de xuño de 2024

O conselleiro de Cultura, Lingua e Xuventude, José López Campos, participou hoxe na Coruña na presentación do programa 2024-2025 da Orquestra Sinfónica de Galicia, que ao longo dos vindeiros meses actuará na Comunidade galega, Madrid, Barcelona, Valladolid, Bilbao e Xirona na que é a súa segunda tempada con Roberto González-Monjas como titular.

O Saviñao (Lugo), 8 de xuño de 2024

A directora xeral de Patrimonio, María del Carmén Martínez Insua, participou hoxe no concello lucense do Saviñao nunha xornada con Asociacións de Camiños a Santiago pola Ribeira Sacra coas que compartiu os seguintes pasos da candidatura Paisaxe da auga: Ribeira Sacra a Patrimonio Mundial, tras a decisión do Consello do Patrimonio Histórico de que sexa a proposta de España para a súa remisión a Unesco. 

A Coruña, 7 de xuño de 2024

O conselleiro de Cultura, Lingua e Xuventude, José López Campos, asistiu hoxe ao Festival Aquí tamén se fala, impulsado polo Instituto IES Rafael Dieste para promover o uso do galego. Trátase dunha cita que pon o peche no curso 2023/24 á campaña de dinamización do galego feita polo centro co apoio da Xunta de Galicia e na que o titular de Cultura agradeceu a implicación da comunidade educativa para “comerciar co uso da lingua”, pois é esta unha iniciativa que demostra como as entidades comerciais”.

Santiago de Compostela, 7 de xuño de 2024

O secretario xeral da lingua, Valentín García, acompañou hoxe na Cidade da Cultura ao alumnado que estuda galego no Instituto Cañada Blanch de Londres e que está a visitar Galicia no marco do programa Viaxe da Lingua 2024, onde salientou a importancia deste tipo de iniciativas para a cultura e a lingua galega.

Lugo, 7 de xuño de 2024

O conxunto vocal Lugh ofrecerá un concerto polo seu 25º aniversario este domingo, 9 de xuño, no edificio administrativo da Xunta na capital lucense. Será no salón de actos a partir das 19,00 horas.

O delegado territorial da Administración autonómica, Javier Arias, e representantes do coro presentaron hoxe a actuación, que estará adicada á cidade de Lugo. A agrupación interpretará 18 pezas do seu repertorio, que é amplo e diverso e concede especial protagonismo á música popular galega.