Evento: Capela Antiga do Orfeón Terra A Nosa

Camiño dos seus cincuenta anos de historia, unha institución de referencia na vida musical compostelá como o Orfeón Terra a Nosa presenta, a través da súa Capela Antiga, un programa de polifonía coral vinculado á catedral de Santiago. Himnos, matíns, cantos para procesións (incluída a procesión de Ramos no seu día), misas e vésperas conservadas nos arquivos do templo compostelán altérnanse con composicións de afamados mestres, transcendentais figuras na historia da música, como Palestrina, Morales, Guerrero, Victoria ou Desprez.

Este concerto forma parte do Festival de Músicas Contemplativas que se celebra en lugares emblemáticos de Santiago de Compostela.