Evento: Recortes, caneos e outras formas de driblar

Recortes, caneos e outras formas de driblar recrea un dos tantos partidos de fútbol do século a través do comportamento de xogadores, adestradores, xornalistas, directivos, árbitros, afeccionados e demais personaxes principais, secundarios ou extras que compoñen o espectáculo futbolístico.

Tras o éxito de Fariña, o espectáculo teatral, Nacho Caretero volve unir forzas con Tito Asorey, José L. Prieto e Xosé A. Touriñán neste espectáculo sobre o mundo do fútbol e todo o que lle rodea. Un paseo lúdico, crítico e musical sobre o espectáculo futbolístico que percorre o seu rostro máis radiante sen esquecer os máis escuros.