Evento: Anfitrionas. Crónicas y cronistas de salones 1890-1930

  • anfitrionas
Anfitrionas. Crónicas y cronistas de salones 1890-1930
xoves, 26 maio, 2022 - 18:00
Casa-Museo Emilia Pardo Bazán,
A Coruña

Anfitrionas. Crónicas y cronistas de salones 1890-1930

Presentación da obra de Marisol Donís

A Casa-Museo Emilia Pardo Bazán (rúa Tabernas, 11 – A Coruña) acolle mañá xoves, 26 de maio, ás 18:00 horas, a presentación de Anfitrionas: crónicas y cronistas de salones 1890-1930. A autora, Marisol Donís, estará acompañada pola conservadora da Casa-Museo Emilia Pardo Bazán, Xulia Santiso.

Marisol Donís e Xulia Santiso conversarán sobre unha obra que profunda nunha das poucas ocupacións nas que as mulleres da burguesía e da aristocracia europea podían ser protagonistas e mais na aparición dun novo xénero xornalístico arredor dela: a crónica social.

As reunións sociais nos propios domicilios destas mulleres, ao desenvolvérense en espazos afastados das institucións controladas polos homes, resultaron empequenecidas pola historiografía, “pero a sociabilidade, a intelixencia e a educación da anfitrioa empregábase na procura dunha atmosfera cultivada e activa”, salienta Xulia Santiso.

Foi o caso dos encontros organizados por Emilia Pardo Bazán, unha das mulleres das que fala Marisol Donís no volume editado por Turner. A escritora fixo do seu fogar na rúa Tabernas da Coruña e no da rúa San Bernardo de Madrid lugares de encontro de numerosos persoeiros da vida política e cultural do momento. “Atender as pegadas de Emilia Pardo Bazán nesta faceta achega información sobre como ela mesma constrúe o seu propio lugar no mundo”, engade a conservadora.

Os outros protagonistas do libro son os cronistas de salóns –entre os que se atoparon dende Bécquer ata Juan Valera–, creadores dunha nova forma de facer xornalismo e xermolo da actual prensa rosa.

Máis eventos de tipo Xornada/Congreso

Deporte e saúde mental
28 de xuño a 30 de xuño
Casa da Cultura de Noia / Casino de Noia / Coliseo Noela
I Encontro de cestería no Camiño
2 de xullo
Museo Etnográfico do Cebreiro
Neurociencia, educación e desenvolvemento
7 de xullo a 9 de xullo
Casa da Cultura de Noia / Casino de Noia / Coliseo Noela
Saúde dixital e ciberseguridade
14 de xullo a 16 de xullo
Casa da Cultura de Noia / Casino de Noia / Coliseo Noela