Evento: Festival SonRías Baixas: Tanxugueiras + La Maravillosa Orquesta del Alcohol + La MODA + Arnau Griso + Eskorzo + Sara Hebe + Balkan Paradise Orchestra + Suu

O festival pechará esta edición o sábado 6 de agosto coas actuacións de Tanxugueiras, o trío de pandeireteiras que está a revolucionar a música tradicional galega; La M.O.D.A., unha das bandas co directo máis potente do momento, presentando o seu Novo Cancioneiro Burgalés; Arnau Griso, no que será o seu concerto de despedida ante o público galego; Eskorzo, unha auténtica bomba energizante deseñada para que o público non deixe de moverse nin un só segundo; Sara Hebe, sempre imparable e versátil, presentando novo traballo no que será o seu único concerto en Galicia este verán; os ventos e percusións das dinámicas Balkan Paradise Orchestra; e Suu, sempre acompañada do seu ukelele e que xa é unha das músicas catalás máis seguidas e escoitadas na actualidade.