Evento: Semana Santa de Ferrol

Semana Santa de Ferrol
domingo, 2 abril, 2023 a domingo, 9 abril, 2023
Ferrol,
Ferrol

Semana Santa de Ferrol

Festa de Interés Turístico.

Desde o Domingo de Ramos ata o de Resurrección, sucédense sen parar as procesións que rememoran a Paixón, Morte e Resurrección de Xesús. As rúas de Ferrol énchense de fervor relixioso e bulicio, en torno aos pasos das súas cinco confrarías, herdeiras dunha tradición secular e dun espírito de fondo calado popular que resiste aos cambios sociais e xeracionais. Vistosas, multitudinarias, emotivas e solemnes, destacan entre todas elas as do Venres Santo: pola mañá, o Santo Encontro, na praza de Amboage; pola tarde, a do Santo Enterro, de marcado carácter litúrxico, na que se leva a Santa Urna, toda unha reliquia da Semana Santa ferrolá e, pola noite, a estremecedora procesión dos Caladiños, que percorre as rúas do casco histórico da Magdalena, cos pasos de San Xoán, Cruz Sudario e a Virxe das Dolores, e retírase de madrugada, tras o tradicional canto da Salve.
O Xoves Santo ten lugar a procesión do Santísimo Cristo da Misericordia e María Santísima da Piedade, a máis longa e numerosa de todas, na que participan 1.800 confrades, sete pasos e nove bandas de música e que remata co emotivo canto dos militares da Brilat.

Para non perderse:
Procesión dos Caladiños, o Venres Santo pola noite.

Máis eventos de tipo Festa/Feira popular

Belén electrónico
3 de decembro a 28 de xaneiro
Begonte (San Pedro)
Belén Artesanal en movemento
3 de decembro a 14 de xaneiro
Campaña (Santa Cristina)
Festa de fin de ano
31 de decembro
Praza do Obradoiro