Evento: Pequefilmes 2022 - Programa especial Olloboi

O alumnado de primaria e secundaria dos centros de ensino de Galicia dirixe, escribe e tamén protagonizan esta selección de pezas audiovisuais realizadas no marco do Festival Olloboi que poderán verse nesta edición de Pequefilmes 2022. Olloboi é un festival de cinema escolar que se vén celebrando en Boiro dende o ano 2009 e que ten como obxectivo dar visibilidade á creación galega nas aulas e fomentar a realización de curtametraxes por parte dos estudantes, contando coa colaboración do profesorado e tamén de cineastas, actrices e actores galegos. Haberá dúas sesións especiais o día 30 de xaneiro nas Salas Miñocas (Auditorio 1) e Fanecas (Auditorio2) no Edificio CINC, con entrada de balde.