Evento: Zetak

Zetak chega ao seu concerto de Vigo  para presentar un proxecto de música electrónica en eúscaro que nace da man de Pello Reparaz.

O cantante navarro, tras 10 exitosos anos coa banda de ska Vendetta, o seu anterior proxecto, decide deixar o grupo e crear un novo combo, cambiando radicalmente de rexistro cun proxecto de música electrónica.

Zetak foi galardoado co premio á Mellor Banda, Mellor Directo e Mellor Tema/Vídeo realizado durante o confinamento (pola canción ?Zeinen Ederra Izango Dean) nos Gaztea Sariak 2020 que organiza Gaztea Irratia (EiTB).

A banda vasca Zetak navega sobre estilos menos convencionais como a electrónica, presentando un carácter e un prisma máis internacional, e teñen moi presente que o eúscaro é algo que os diferenza doutros proxectos e iso ábrelles moitas portas.