Evento: As San Lucas

As San Lucas
martes, 17 outubro, 2023 a domingo, 22 outubro, 2023
varios espacios,
Mondoñedo

As San Lucas

Festa de Interese Turístico.

As campás da catedral de Mondoñedo, acompañadas de potentes bombas, anuncian ao mediodía o comezo das San Lucas, unha das máis importantes feiras tradicionais de Galicia, cuxa orixe se remonta a 1156, ano no que Afonso VII concedeu á vila unha festa de oito días. Pola tarde ten lugar o pregón, en presenza da raíña das festas e as dúas damas de honra, o sanluqueiro, as autoridades e membros da Comisión de Festas e os xigantes e cabezudos, que desfilan ata o Auditorio Municipal acompañados dun grupo de gaitas.

As feiras das San Lucas son, fundamentalmente, de gando. A apertura da feira cabalar ten lugar o sábado, día que se celebra tamén a misa na honra de San Lucas, cunha masiva asistencia de público. O concurso de gando no recinto feiral complétase cun concurso de andadura galega, modalidades serradas (dous tempos) e chapeada (catro tempos), un concurso canino e distintas exhibicións de cans, no Pavillón Municipal. O último día das festas é o día das maulas, no que todos os produtos da feira se venden a metade de prezo.

Non faltan charangas, xogos tradicionais, verbenas e concertos todos os días, e unha feira-mostra de produtos agroalimentarios e de maquinaria.

Máis eventos de tipo Festa/Feira popular

Festa da Dorna de Ribeira
18 de xullo a 24 de xullo
Ribeira
Festa do Santísimo Cristo dos Aflixidos de Bouzas
18 de xullo a 23 de xullo
Bouzas
Gran Premio de Carrilanas de Esteiro
19 de xullo a 21 de xullo
Parroquia de Esteiro
Festividade do Apóstolo Santiago
19 de xullo a 31 de xullo
Santiago de Compostela