Evento: Vilagarcía, Cidade de Libro

A literatura e os seus creadores serán os protagonistas do evento "Vilagarcía, cidade de libro" que se desenvolverá do 21 ao 27 de xuño e que reunirá no municipio a un selecto grupo de recoñecidos escritores do panorama galego e nacional. O evento literario organizado polas concellerías de Xuventude e Cultura combina o que é unha feira de libros propiamente dita -con casetas de venta para editoriais e actos de firma de libros-, con distintas actividades de animación á lectura para público infantil; presentación de novidades literarias, encontros con autores e actividades protagonizadas por escritores moi importantes e coñecidos a nivel galego e nacional. As sete xornadas organizaranse dedicando cada día a unha temática ou xénero literario diferente, en cada unha das cales intervirán famosos escritores.

A nivel de creadores dos distintos xéneros literarios o evento conta coa participación de Jorge Molist, Idelfonso Falcones, María Oruña, Domingo Villar, Manuel Loureiro, Nacho Carretero Pou, Pedro Feijoo, Ledicia Costas, Nieves Abarca, Marilar Aleixandre, Manuel Gago, Paula Carballeira, Carlos Meixide, Marcos Calveiro, Alberto Avendaño, ManelOubiña, Montse Fajardo Pérez, Arantza Portabales, Elio Quiroga Rodriguez e os ilustradores Kiko da Silva e Miguelanxo Prado. As catro librerías existentes no municipio xa manifestaron a súa intención de participar, ao igual que as editoriais Galaxia, unha das máis importantes e representativas do sector editorial de Galicia, e Silveira. Coa súa inclusión, o Concello de Vilagarcía pretende aproveitar tamén o evento literario para que os pequenos negocios do libro da cidade teñan un espazo no que promocionarse e incentivar as ventas.