Evento: Arrolos con Mamá Cabra

Arrolos con Mamá Cabra
sábado, 28 xaneiro, 2023 - 11:30
Aula de Usos Múltiples,
Betanzos

Arrolos con Mamá Cabra

Espectáculo de música infantil.

Mamá Cabra é o grupo de música infantil pioneiro na produción de espectáculos musicais pensados para o público infantil. A súa historia remóntase ao ano 2000, e partiu primeiramente de facer cancións para as clases de Educación musical de Gloria Mosquera, principal fundadora do grupo. A primeira canción naceu na biblioteca do colexio no que estaba Gloria, despois de ler o poema do “Timoteo” de Gloria Sánchez que está no libro “Rimas con letra”. O seu primeiro disco é Cantos Rodados, de dez temas que se baseaban en poemas de autores como Antonio G. Teijeiro, Concha Blanco, Ana María Fernández e Gloria Sánchez.  Moi pouco tempo despois acaban subidos a un escenario e artellando xogos para compartir un momento de ritmo, canto, audición e sobre todo movemento musical. Na actualidade contan xa con un puñado de libros e discos editados cos editorial Galaxia, entre outros:  Ola, Ola, la, Cartas que veñen e van, Estación Nadal, A bruxa Discordia, Eu cociño, ti cociñas? E máis recentemente A fraga do meu avó, Un libro sobre o amor pola natureza e polos animais do que resulta o seu último espectáculo.

Máis eventos de tipo Espectáculo

10º Festival Cultural Convergências
3 de febreiro a 9 de marzo
Padrón, Ponteareas, A Estrada e Santiago de Compostela
Álex Clavero: A Nova Normalidade
1 de marzo
Auditorio Abanca - Preguntoiro
Álex Clavero: A Nova Normalidade
2 de marzo
Teatro Afundación Vigo
Álex Clavero: A Nova Normalidade
4 de marzo
Teatro Afundación Vigo