Evento: Fanzine Fest 2021

A sétima edición do festival de música electrónica de vangarda  de referencia no noroeste peninsular xa conta con data de celebración. Fanzine Fest  regresará aos escenarios coruñeses o próximo mes de novembro cunha proposta renovada  tanto en formato como en duración para ofrecer unha experiencia sensorial única que aúne a figuras  destacadas da música electrónica e as artes visuais.  

O festival, promovido por Fanzine Project, reforzará o seu compromiso coa consolidación dun  ecosistema de vangarda único e ofrecerá o próximo inverno unha ampla programación de sete  xornadas de música en directo, proxeccións audiovisuais e talleres para todos os públicos na Coruña.  Así, desde o día 29 de novembro e ata o domingo 5 de decembro do 2021, Fanzine Fest  apostará por expandir a cultura de vangarda por toda a cidade coa presenza de artistas locais  e internacionais en espazos intimamente ligados á cultura científica ou contemporánea, ademais de charlas  e formacións abertas tanto para público adulto como infantil, e a posibilidade de descubrir a  gastronomía e alimentación de proximidade. 

Os impulsores de Fanzine Fest, Pablo Cubeiro e Roi Grobas, avanzan que esta ampliación da  programación ?é unha resposta natural? ao crecemento exponencial e sostido que o festival ?foi  desenvolvendo ao longo destes anos?. Dende a primeira edición ofrecemos unha proposta de calidade  e coidamos, tanto nas formas como no contido, accesible e vinculada ao territorio. O  ano pasado, no medio dun contexto extraordinario como é unha pandemia mundial, fomos capaces de sintetizar  no cartel do festival o máis interesante da escena galega e estatal e, mesmo, de lanzar  unha nova liña de programación para estreitar os vínculos da electrónica e o audiovisual?,  lembran os organizadores, en referencia á presentación de Monochrome AV/AV, de Óscar Mulero, ou  a creación da xornada FPS-BMP, con estreas de pezas audiovisuais, na edición de 2020.  Precisamente esta mesma semana Fanzine Fest publicou nas súas redes sociais o aftermovie da  pasada edición, un vídeo que recolle o desenvolvemento do festival en CGAI, Domus e Teatro Colón,  ademais das declaracións de público e artistas participantes.