Evento: Adrian Díz

Adrían Diz empezou a cantar recentemente cumpridos os 15. «Foi grazas a un festival do colexio», lembra. Despois diso apuntouse ao coro da igrexa do seu pobo, San Mamede de Urrós, en Allariz. Alí a súa avoa e os veciños animáronlle a seguir crecendo musicalmente, encantados de escoitar a melódica voz do pequeno. Do canto pasou á guitarra. Foi grazas a Joaquín Sabina. «É o cantautor que máis me emociona e de feito a miña principal motivación para aprender guitarra foi poder interpretar os seus temas», explica. Comezou de forma autodidacta, mirando vídeos en Youtube, e acabou dando clases con Fernando Calvo, guitarrista dos Suaves. Os seus primeiros concertos chegaron de casualidade, grazas á oportunidade que lle deu outro músico ourensán, Andrés Montes, vocalista dos Gin Toni’s. «Convidoume a cantar con el e non o dubidei. Logo animoume a que tentase contactar co Liceo e propuxéselles unha actuación en directo», di. Gustoulles e desde entón, fai cinco anos, non parou de subirse aos escenarios.