Evento: Exposición 'Envíame unha postal'

Exposición 'Envíame unha postal'
venres, 18 decembro, 2020 a xoves, 18 marzo, 2021
, Lugo

Exposición 'Envíame unha postal'

Un percorrido polas postais da empresa García Garrabella tomadas en Lugo e na Coruña durante as décadas dos 40 e 50 do s. XX

O Arquivo Histórico Provincial de Lugo expón ata o vindeiro 18 de marzo unha selección dos 348 negativos para postais da empresa García Garrabella que custodia nas súas instalacións e forman parte dos fondos da Consellería de Cultura, Educación e Universidade. A mostra 'Envíame unha postal' fai un percorrido polas fotografías tomadas por Luis García Garrabella nas décadas dos 40 e 50 do século XX a paisaxes e monumentos de varias poboacións das provincias de Lugo e A Coruña.

O fondo de negativos en vidro e en acetato da empresa García Garrabella y Compañía (unha das casas editoras de postais máis prolíficas dos anos 60 e 70) foron adquiridos pola Consellería a Jerónimo Gilabert, en representación de Martínez Santolaya,S.L., entre 2004 e 2007, xunto con outro lote de negativos de Arribas. No ano 2017 foron catalogados e dixitalizados e están a disposición da cidadanía en Galiciana, Patrimonio Dixital de Galicia, o portal de difusión dos recursos patrimoniais dixitalizados da cultura galega.

Enmárcase no traballo da Xunta para consolidar un fondo dixitalizado do patrimonio cultural material e inmaterial de Galicia e facilitar os seu acceso universal na rede. Para a construción desta Memoria Dixital apostouse polas sinerxías e modelos colaborativos entre as entidades públicas, privadas e calquera axente con responsabilidade no patrimonio cultural coa intención de acadar o maior nivel de catalogación, preservación e difusión, independentemente da súa ubicación ou propiedade.

Máis eventos de tipo Exposición

Cartel Crecer co mar
Crecer co mar. Os gozos e as sombras dunha vila mariñeira
6 de agosto a 30 de decembro
Museo Massó
CGAC | ANTÓN PATIÑO. CAOSMOS
Exposición ‘Antón Patiño. Caosmos’ e actividades paralelas
13 de marzo a 17 de xaneiro
Centro Galego de Arte Contemporánea (CGAC)
Compostela Photo
1 de xullo
Varios espacios