Evento: 'O premio'

'O premio'
domingo, 18 outubro, 2020 - 18:00
Salón Teatro
, Santiago de Compostela

'O premio'

Quinto espectáculo de La Quintana Teatro coproducido co Centro Dramático Galego (CDG)

La Quintana Teatro representa o sábado 17 (20.30h) e mais o domingo 18 (18.00h) no Salón Teatro de Santiago a función 'O Premio', realizado en coprodución co Centro Dramático Galego (CDG) e que chegará a Compostela despois da súa estrea o xoves 15 no Teatro Principal de Ourense, como parte da carteleira do Festival Internacional de Teatro de Ourense (FITO).

Marián Bañobre dirixe O Premio a partir dun texto de Santiago Cortegoso, que se leva a escena coas interpretacións de Victoria Teijeiro, Xurxo Cortázar e Raquel Espada, candidata a mellor actriz secundaria nos Premios de Teatro María Casares por Neorretranca e posmorriña, a última produción propio do CDG.

No equipo artístico e técnico, atópanse tamén Marisa de Laiglesia (escenografía e vestiario), Javier Quintana (deseño de iluminación), Anxo Outumuro (técnico de luces), Lucía Estévez (vídeo), José Luis Fraga (creación sonora) e María Moral (distribución).

 

O Premio é o quinto espectáculo de La Quintana Teatro, no que o Centro Dramático Galego participou en réxime de coprodución como residencia artística. Así, o CDG prestoulle apoio económico e técnico á compañía para a súa nova montaxe, ademais de cederlle as súas instalacións para ensaiar e estrear o pasado mes de marzo, evento que tivo que ser suspendido ao decretarse o estado de alarma.

As localidades poderán adquirirse no despacho de billetes desde dúas horas antes de cada pase e de xeito anticipado a través da web e do teléfono de venda de entradas de Abanca.

Máis eventos de tipo Espectáculo

-abono-teatro-tp-ourense-segundo-semestre-2020.jpg
Abono Teatro TP Ourense Segundo Semestre 2020
1 de setembro a 31 de decembro
​Teatro Principal de Ourense
Chola, a it girl
20 de outubro
Casa da Cultura
Titiricircus
22 de outubro
Centro Social do Alto