Evento: Big data, data science e inteligencia artificial

A tecnoloxía democratizouse. Deixou de ser un coto pechado ás grandes corporacións para converterse nunha ferramenta ao alcance de practicamente calquera empresa, independentemente do seu tamaño e sector.

Con todo, e a pesar da accesibilidade e as vantaxes que ofrecen os diversos avances tecnolóxicos, estes seguen sendo un gran descoñecido para moitas empresas. E mesmo moitas delas, aínda coñecendo estes avances seguen sendo reticentes á súa adopción. 

Para contribuír a paliar esta situación AMTEGA, da man de IESIDE, presenta o Programa de Inmersión Tecnolóxica para Pemes, un programa de difusión, sensibilización e formación orientado a que as pemes galegas e os seus directivos coñezan algunhas das novas tecnoloxías máis relevantes, e os beneficios e condicionantes necesarios para a súa translación á estratexia, estrutura e modelos de negocios das pemes. Todo iso cunha perspectiva moi experiencial, mostrando casos concretos e próximos de éxito que actúen como elemento motivador.