Producións Dispersas ten o pracer de presentar o seu próximo espectáculo familiar que será  estreado o 20 de outubro no Auditorio Municipal de Ourense.
Protagonizado por Diego Freire e Beatriz Bravo. Todas as marabillas do mundo preséntanos a un personaxe fascinado pola beleza do mundo e as súas marabillas. Un personaxe que desexa máis que nada coñecer e gozar de todas as cousas fermosas que o noso planeta regálanos. Un día descobre que as marabillas son tantas e o mundo é tan grande que non tería nin o tempo nin os cartiños para poder gozar de toda esa fermosura. Así que sente unha tremenda frustración. Deberá aprender a convivir coa ela! Durante esa aprendizaxe tamén descubrirá que ten moitas emocións no seu interior e que  as veces é unha lea levar ben con todo o que vive na súa cabeza. O sentido común, o aburrimento, a vergoña, a alegría, a tristeza, a ira, a paz interior, entre outras emocións serán personaxes do espectáculo.

O texto trata de achegar ao público, desde unha perspectiva lúdica a importancia de coñecer, identificar e convivir co seu sentimentos, facendo especial énfase na xestión da frustración. A música, a interacción co público e un sinxela pero coidada estética (que xoga coa cor, a luz e as sombras e a natureza) son parte fundamental da proposta.