Evento: No país do vento

No país do vento
venres, 11 marzo, 2022 - 19:00
Teatro Municipal,
Vigo

No país do vento

Espectáculo musical infantil.

No País do Vento nada queda quieto: os pés bailan, as saias xiran, as xentes brincan e moitas melodías e algunhas pequenas historias van buscando orellas que escoiten e labios que as cantaruxen para seguir vivas ao lombo das brisas e dos furacáns. Moitos son os personaxes que habitan este país de asubíos e airexas: unha científica incorrixible e algo poeta que chegou  a explorar o País do vento; noivas, donas, magas bruxas e tolas, mulleres magníficas todas, que bailan unha canción tradicional deste país de brisas; unha familia de papaventos que é feliz buscando países imaxinarios que visitar; un corazón que viaxa nunha cáscara de noz; unha xirafa que quería ser araña e unha araña que quería ser xirafa; o Pato Simón; unhas pitas refuxiadas, un reloxo que no canto de dar horas, dá risa … 

E así, con moitas ganas de bailar e de gozar, vaise esgallando aos pouquiños este espectáculo.

Charo Pita  voz, textos e música

María Faltri  voz, percusións e arranxos vocais

Jorge Juncal  acordeón, teclado, arranxos e produción musical

Javier Fernández  Batería, percusións e arranxos musicais

Juansy Santomé Contrabaixo, baixo eléctrico

  • No pais do vento_ Charo Pita_Vídeo promo

Máis eventos de tipo Espectáculo

Os Bolechas e o gran reto
16 de xullo
Patio do CEIP de Pedrouzos
Os Bolechas e o gran reto
18 de xullo
Praza Juan Salgueiro
Os Bolechas e o gran reto
19 de xullo
Peirao de Arcade
Os Bolechas e o gran reto
23 de xullo
Campo da Feira