Evento: 13º Festival Internacional de Curtametraxes de Bueu (FICBueu)
13º Festival Internacional de Curtametraxes de Bueu (FICBueu)
O Festival Internacional de Curtametraxes de Bueu (FICBueu) celebra a súa décimo terceira edición, que terá lugar do 11 ao 19 de setembro cun programa adaptado ao actual contexto sanitario pero sen renunciar á difusión de máis dun cento de curtametraxes de múltiples estilos e procedencias e á organización doutras moitas actividades arredor deste formato audiovisual. A Xunta de Galicia, a través da Consellería de Cultura, Educación e Universidade, subvenciona o certame través da convocatoria anual de subvencións para este tipo de eventos.
O FICBueu dará comezo este venres 11 de setembro cun monólogo a cargo de Manuel Manquiña, ao que seguirán oito días de proxeccións, encontros profesionais e artísticos, música, sesións de exhibición de títulos realizados polos centros de ensino e presentacións.
Entre estas últimas, destacan as que dedicarán a explicar a rodaxe da película 'Ons', ou ao primeiro número da colección editorial cadernos do FICBueu, un monográfico sobre a Nouvelle Vague que conta tamén coa colaboración da Xunta de Galicia a través da Secretaría Xeral de Política Lingüística.
Máis eventos de tipo Proxección audiovisual