Evento: O Camiño de Santiago

O Fondo de Proxectos Culturais Xacobeo 2021 ofrece esta produción de Educateatro que conta a historia de Santiago e Mariña, dous irmáns que non xogan xuntos... ata que aprenden a facelo.

Como cada noite, Santiago emprende o seu camiño acompañado de Branco, o seu cabalo inseparable. O que non espera é que hoxe se atopará no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (A Catedral de Santiago), onde atoparán o tesouro escondido.

Nesta viaxe, os personaxes dos seus contos cobrarán vida. Cando acabe a súa aventura e a viaxe remate, os irmáns espertarán cambiados, unidos e, finalmente, xuntos.