Evento: Atardecer no Gaiás 2020: Guadi Galego

Atardecer no Gaiás 2020: Guadi Galego
xoves, 6 agosto, 2020 - 21:00
Cidade da Cultura
, Santiago de Compostela

Atardecer no Gaiás 2020: Guadi Galego

Concerto da artista revelación da escena galega

Unha das artistas máis relevantes e premiadas da escena galega actual, froito dunha andaina musical que comezou en Berrogüetto como vocalista, pianista e gaiteira e continuou con Espido e Nordestin@s  ata comezar a súa carreira en solitario, tamén ateigada de éxitos, como o Premio Martín Códax en Canción de Autor ou o recente Premio á Promoción da Realidade Plurilingüe do Estado Español,  concedido polo seu último traballo ‘Immersión’. No Gaiás imos poder gozar das reinterpretacións dos temas das súa carreira nas sete linguas peninsulares. Un canto á diversidade, á vez que un xeneroso agasallo.

Velaquí unha nova edición de Atardecer no Gaiás! Urxíanos pórlle música aos solpores do verán, aínda que esteamos nun estío diferente. Por iso, o ciclo de concertos de balde ao aire libre da Cidade da Cultura adáptase nesta ocasión ao que 'a nova normalidade' nos esixe; formatos máis pequenos reducindo a capacidade de asistencia para gozar desta experiencia coa seguridade de que se están a cumprir as medidas sanitarias de protección e de distancia social.

Máis eventos de tipo Concerto

Abono Festival Elas Son Artistas
3 de xullo a 11 de decembro
Varios Recintos
Tanxugueiras
11 de agosto
Náutico
Vatapá Quinteto en concerto
11 de agosto
Praza da Constitución
Áureas
11 de agosto
Var con Uve