Evento: Coloreando a provincia de Lugo

Un percorrido por esta marabillosa provincia galega en 56 páxinas, con 45 preciosas ilustracións de Paula Maior, e cun mapa que nos servirá para identificar mellor os recunchos e monumentos que recolle o libro: desde a Praia das Catedrais ata a Ribeira Sacra, pasando polas rúas da capital.

Un bonito recordo para levar a casa despois dunha viaxe a Lugo e un precioso agasallo para todos os lucenses.

Paula Maior

Os recordos máis felices da miña infancia están profundamente enlazados con ter un lapis nas miñas mans. Contos, historias, cómics daban paso a un mundo no que mergullarse e soñar. Desde o momento en que descubrín a ilustración non a puiden abandonar; deste xeito a miña profesión dirixiuse inexorablemente cara ao deseño gráfico (maquetación, infografía, deseño téxtil e editorial, publicidade), comezando así unha traxectoria que me permitiu compaxinar o meu labor coa miña paixón.

Traballei en moitos e diferentes ámbitos da ilustración a exploración de novos campos sempre me tentou, con libros infantís, cómics, carteis para organismos oficiais, etc., e teño a gran satisfacción de ser premiada en varias ocasións.

Dar vida a personaxes é algo que despois de tanto tempo segue fascinándome; por iso sempre estou impaciente por empezar novos retos que me fagan crecer como artista.