Evento: Furious Monkey House

Gran parte dos artistas da súa xeración atoparon as súas musas creativas mentres xogaban ao Fortnite, stalkeaban a alguén en Instagram ou vían ao seu youtuber favorito pasarse unha pantalla.
Furious Monkey House atoparon ás súas musas ensaiando e tocando en directo. Estes cinco anos de vida do proxecto forxaron a lume a identidade sonora do último gran bastión do rock millennial español: ese que consegue pasar por encima das tendencias e rende pleitesía a un rock de guitarras que vai do grunge ao rock alternativo ou o emocore melódico dos 90.
En Love, Scum & Dust Furious Monkey House demostran que non lle temen ao rock na era do reggaetón, pero tamén demostran que son moito máis que iso, e é que non só fan rock en tempos de urban: son rock en estado puro.