Evento: Festa do Queixo de Arzúa

Festa do Queixo de Arzúa
venres, 1 marzo, 2024 a domingo, 3 marzo, 2024
Varios espazos,
Arzúa

Festa do Queixo de Arzúa

A programación desta festa inclúe concertos, obradoiros e concurso de tapas e pinchos nos establecementos de hostalaría

Con máis de trinta e cinco anos de historia (desde 1976), a Festa do Queixo de Arzúa tense consolidado como unha das citas gastronómicas máis importantes de Galicia, tanto pola calidade do produto protagonista como polo interese dos actos programados.

Durante a primeira fin de semana de marzo, esta localidade da Galicia interior programa tres noites de música con artistas de primeira liña, que son a culminación de densas xornadas de teatro, concursos e actividades para nenos, que poden incluso participar nun obradoiro para elaborar queixo. Pero, sobre todo, son xornadas para coñecer e gozar deste alimento de fabricación artesá. A Asociación de Hostaleiros de Arzúa e a Denominación de Orixe 'Arzúa-Ulloa' participan na organización dun concurso de tapas e pinchos que ten lugar nos establecementos do municipio o venres e o sábado. Os produtores da zona contan tamén con espazos para amosar e vender os diferentes queixos, frescos ou curados.

O queixo de Arzúa amparado baixo a marca de Produto Galego de Calidade, conta coa súa propia Denominación de Orixe 'Arzúa-Ulloa' e co control dun Consello Regulador que certifica que foi elaborado co método tradicional, a partir de leite enteiro de vaca, nos concellos de Arzúa, Cuntis, Melide, O Pino, Santiso, Sobrado, Toques, Touro, Vilasantar, Friol, Monterroso e Palas de Rei.

Unha das principais calidades desta festa é a de conxugar unha actividade tradicional, como é a gandaría e a elaboración do queixo, con expresións artísticas e lúdicas de vangarda, como os encontros de artistas urbanos ou os concertos de música.

Destacado

O concurso de tapas e pinchos nos establecementos de hostalaría e bares de Arzúa o venres e o sábado.

Máis eventos de tipo Festa/Feira popular

Festa do Lacón con Grelos
1 de marzo a 3 de marzo
Varios espazos
Festa da Arribada da Carabela Pinta
1 de marzo a 3 de marzo
Varios espazos
Festa do Caldo Galego de Mourente
9 de marzo a 10 de marzo
Mourente (Santa María)
Festa do Ourizo de Cervo
16 de marzo
Praza dos Campos