Evento: Berlín, sinfonía dunha gran cidade

Presenta un día na vida de Berlín, a capital da emerxente Alemaña, cidade que cal organismo vivo vaise espertando lentamente mentres o tren chega á estación Anhalter, porta para os viaxeiros que chegan do sur. As rúas baleiras, dominadas pola torre do reloxo do concello de Berlín, vanse enchendo aos poucos de trafego, nun ritmo cada vez máis rápido, ata o abafo do mediodía. Tras a pausa do xantar nova axitación e trajín de persoas pola tarde, ata que a felicidade do lecer asolaga o anoitecer, as súas festas, fogos artificiais, e xa pechada a noite queda a cidade dormente iluminada polo faro da torre da radio de Berlín, recentemente levantada en 1926.