Evento: Monólogo de El Pelao en Vigo

Monólogo de El Pelao este mesmo venres 31 de xaneiro no Sports Bar Castelo Real. Este humorista, residente habitual de La Chocita del Loro de Madrid, presentaranos o seu monólogo estrela 'Historias de una calva'.

Fernando Rodríguez, coñecido artisticamente como ‘El Pelao’, natural de Leganés, leva máis de cinco anos dedicado ao mundo da stand-up comedy. El mesmo recoñece que desde pequeno lle gustaba ser o bufón da clase. Sempre fixo rir á súa contorna coas súas dementes ocorrencias. É admirador de humoristas como Gila, Martes y 13, Simón Cabido e Eugenio. O seu nome artístico procede, como ben se pode apreciar, da súa notoria calvicie. Por iso Fernando vén a Vigo para demostrarnos que os calvos teñen humor suficiente para regalar.